: أسرار نجاح محشي ورق العنب
عايزة محشي ورق العنب يطلع معاكي مضبوط و كله حجم واحد و مايفكش منك و انتي بتسويه عالنار؟
: اتبعي الخطوات دي بعناية خطوة خطوة
أولا : لما تيجي تسلقيه لازم تبقى نص سلقة يعني تحطيه في ماية مملحة بتغلي و ما تسيبيهوش أكتر من دقيقتين عشان ما يتهريش
ثانيا : و انتي بتلفيه خلي الجزء الي فيه خطوط بارزة أو الظهر الخشن هو اللي عليه الحشوة و الظهر الناعم هو اللي في الخارج
ثالثا : خلي الحشوة في النص يالظبط وسطنيها حلو و خلي كل مرة نفس مقدار الحشوة عشان كلو يطلع نفس الحجم
رابعا : عشان تلفيه اتبعي الترتيب اللي في الصورة و ماتحطيش رز أو حشوة كتييير و ما تخليش الرز كورة لأ افرديه كده بيضاوي زي الخطوة الثالثة في الصورة
خامسا : عشان ما يتلسعش منك و ما يتحرقش أو يشيط حطي في أرضية الحلة ترانشات جزر أو بطاطس مع قليل من زيت الزيتزن أو ممكن تحطي العنقود اللي بتشيليه في الخطوة التانية في الصورة و بطني بيه الحلة و بعدين رصي فوقيه ورق العنب
سادسا : لما تيجي ترصي ورق العنب في الحلة عشان كل يبقى نفس السوا و ما يفكش منك فيه طريقتين يا ترصيه على شكل دائري أوحلزوني يا إما ترصي سطر بالطول فوقيه سطر بالعرض عكس اللي تحته
سابعا : لما تبدأي تسويه حطي عليه شوربة يا دوب تكون مغطياه و حطي فوق المحشي طبق أصغر من الحلة بشوية و طبعا لازم يكون بيتحمل الحرارة و اضغطيه على المحشي حلو و غطي عليه الطبق ده حيخليه ما يفكش منك و هو بيستوي
ثامنا : لما تغطي الحلة خلي النار عالية لحد ما الشوربة تبدأ تغلي أول ما تبدأ الغليان وطي النار خاااالص
تاسعا : أول ما صوت الشوربة يختفي خالص و مايكونش فيه أي صوت اطفي عليه
عاشرا : بالنسبة للخلطة ماتخليش فيها أي سوائل يعني سبكي الطماطم كويس و صفي الأرز حلو جدا لحد ما يبقى ناشف عشان تضمني إنه مايعجنش
عايزة محشي ورق العنب يطلع معاكي مضبوط و كله حجم واحد و مايفكش منك و انتي بتسويه عالنار؟
: اتبعي الخطوات دي بعناية خطوة خطوة
أولا : لما تيجي تسلقيه لازم تبقى نص سلقة يعني تحطيه في ماية مملحة بتغلي و ما تسيبيهوش أكتر من دقيقتين عشان ما يتهريش
ثانيا : و انتي بتلفيه خلي الجزء الي فيه خطوط بارزة أو الظهر الخشن هو اللي عليه الحشوة و الظهر الناعم هو اللي في الخارج
ثالثا : خلي الحشوة في النص يالظبط وسطنيها حلو و خلي كل مرة نفس مقدار الحشوة عشان كلو يطلع نفس الحجم
رابعا : عشان تلفيه اتبعي الترتيب اللي في الصورة و ماتحطيش رز أو حشوة كتييير و ما تخليش الرز كورة لأ افرديه كده بيضاوي زي الخطوة الثالثة في الصورة
خامسا : عشان ما يتلسعش منك و ما يتحرقش أو يشيط حطي في أرضية الحلة ترانشات جزر أو بطاطس مع قليل من زيت الزيتزن أو ممكن تحطي العنقود اللي بتشيليه في الخطوة التانية في الصورة و بطني بيه الحلة و بعدين رصي فوقيه ورق العنب
سادسا : لما تيجي ترصي ورق العنب في الحلة عشان كل يبقى نفس السوا و ما يفكش منك فيه طريقتين يا ترصيه على شكل دائري أوحلزوني يا إما ترصي سطر بالطول فوقيه سطر بالعرض عكس اللي تحتهسابعا : لما تبدأي تسويه حطي عليه شوربة يا دوب تكون مغطياه و حطي فوق المحشي طبق أصغر من الحلة بشوية و طبعا لازم يكون بيتحمل الحرارة و اضغطيه على المحشي حلو و غطي عليه الطبق ده حيخليه ما يفكش منك و هو بيستوي
ثامنا : لما تغطي الحلة خلي النار عالية لحد ما الشوربة تبدأ تغلي أول ما تبدأ الغليان وطي النار خاااالص
تاسعا : أول ما صوت الشوربة يختفي خالص و مايكونش فيه أي صوت اطفي عليه
عاشرا : بالنسبة للخلطة ماتخليش فيها أي سوائل يعني سبكي الطماطم كويس و صفي الأرز حلو جدا لحد ما يبقى ناشف عشان تضمني إنه مايعجنش
:اقرأي أيضا
-->
سهل ورائع الاسلوب , يسلموا
ردحذفربنا يخليكى انا عملت محشى بس كان عندى اخطاء وكنت حاسة انه فى حاجة نقصاه ولما قريت الموضوع عرفت اخطائى ميرسى كتير ليكى
ردحذف